LORRAINE POV
Pagkatapos kong maikasal kay Francis ay nagising ako na nasa isang silid na puting-puti. At nakita ko ang dextrose na nakakabit sa akin.
Tumingin ako sa aking paligid at nakita ko ang aking ina, na nakaupo sa katabi ng kama na aking hinihigaan.
Bigla kong naalala na nawalan nga pala ako ng malay. Pagkatapos ay hinipo ko ang aking tiyan.
Nang maramdaman ni mama ang pagkilos ko ay bigla itong bumalikwas sa pagkakasubsob niya sa gilid ko. "Anak, mabuti nagising ka na," sabi niya sa akin habang nakangiti at muli itong nagsalita. "Nagugutom ka ba anak? Anong gusto mong kainin? Nauuhaw ka ba?"
Imbis na sagutin ko siya'y nag-alala ako sa aking ipinagbubuntis. "Ma, may nangyari po ba sa baby ko?" tanong ko sa kanya.
Ngumiti si mama at umiling. "Walang nangyari sa baby mo, anak
