Kamatayan.
Isang traidor at makamandag na salita na kailanma'y hindi gugustuhin ng sinuman. Isang simpleng salita ngunit nakakasira ng pagkatao. Isang salitang nakakabuwag ng pamilya dahil kaya nitong tapusin ang isang napakasayang sandali ng buhay. Salitang nakakapanghina ng kahit sa pinakapangyarihang tao. Kaya nitong durugin ang puso at gawing pira-piraso. Na kahit lumipas man ang panahon ay hindi nawawala ang sugat. Humihilom ngunit nando'n pa rin ang marka. Kaya nitong kunin ang lahat sa'yo at walang tinitira. Kaya nitong sirain ang lahat. Ang lahat lahat sa'yo.
Pero masasabi mo bang maganda ang naidudulot ng kamatayan kung sa pagkawala ng isa ay may kapalit na buhay?
Pagpapatawad.
Madaling sabihin at mas madaling intindihin ngunit mahirap gawin. Lalung-lalo na kung ang hinihingaa
