CHAPTER 39
“Ang Dahilan”
Clyde’s Point of View
Sandali kaming nagkakuwentuhan lahat. Inilahad niya ang buhay niya sa probinsiya. Kung ano ang mga pinagkakaabalahan niya. Kung bakit hindi na siya nakaluwas pa. Wala akong nakitang galit o pagkamuhi sa kabila ng mga nagawa ko sa kanya.
“Pwede ba kaming mag-ikot?” paalam ni Bruce. Alam kong hudyat na iyon para bigyan kami ng sapat na panahon para makapag-usap ng masinsinan.
“Sige. Ikutin ninyo. Sigurado akong magugustuhan ninyo ang lugar.”
“Oo nga, ang ganda. Para talaga siyang paraiso. Yung falls ba na ‘yan, totoo?” tanong ni Ken. Halatang masaya siya sa nakikita niya.
“Oo totoo ‘yan. Dinevelop na lang.”
“Grabe. May ganito palang pasyalan dito hindi ka nagsabi.”
“May mga rooms din na pwedeng rentahan.”
“Sige ha, mag-usap muna kay
