"Anak. Akin na ang apo ko tutal tulog naman na sya." Sabi ng kanyang Nanay Sally na kagagaling lang sa second floor ng bahay. Nakasunod sa likuran nito si Alex. Iniakyat muna nito ang kanilang mga gamit sabay turo nadin kung saan sila matutulog.
Dahan dahan nyang inabot ang bata sa kanyang Nanay. Ingat na ingat sila dahil mahirap itong patulugin pag naputol ang tulog nito.
"Una na kami sa taas para makapag usap usap kayo." Bulong ng kanyang nanay na ikinatango naman nya.
Medyo minasahe nya ang kanyang balikat at ginalaw galaw ang leeg dahil sa nangalaw sya sa pagkarga sa anak. Matimbang na din kasi ito at kanina pa nya ito hinihele. Parang namamahay yata dahil nahihirapang makuha nito ang tulog.
"Okey ka lang?" Bakas ang pag aalalang tanong ni Alex na hindi parin pala umaalis sa ki
