Ang katanungang iyon ni Rian ay nakapagbalik ng pangamba ni Ruby. "Ano ba ang pinagsasasabi mo, Rian?" tanong niya at pilit na inaalis sa utak ang kaisipan na hindi na si Rian ang kanyang nasa harapan ngayon. Napansin man niyang kusa na lamang na nawala ang Anaese ni Rian ay pinabayaan na lamang niya iyon, dahil baka hindi lang naman niya iyon narinig na sabihin muli ng kanyang kaibigan. "Rian?" Tinawag niya ulit ang babae para makasiguro kung tama ba o mali ang iniisip niya.
"Wala na ang kaibigan mo, Ruby," tugon nito. Nagsimulang mag-iba ang kulay ng buhok at mga mata ni Rian, unti-unti itong nagiging kulay ube. Inikot ni Rian ang kanyang kaliwanag braso tsaka niya sinuntok nang napakalakas ang lupa na siyang nakapagpayanig sa buong training room. Umiral na naman ang pagbibiyak ng kanil
