Mabilis na naglakbay sa hangin ang Fireball na pinalipad ni Ruby papunta sa direksyon ni Rian at umabot na nga ito sa kadena niya. Ang simpleng kadenang iyon ay nabalutan na ng apoy at kung malakas na iyon noong una pa lang ay mas matibay na iyon ngayon dahil bukod sa nakasusugat at nakatutuklap ito sa katawan ng Mirage ay maaari na rin masunog at malapnos at buong balat hanggang sa kalamnan ng kahit na sinong tamaan niyon. Kahit pa masikip sa kanyang gilid ay nagawa pa rin niyang igalaw ang mga kamay niya kaya’t malaya niyang nakokontrol ang kadena kahit na saan pa man niya iyon gustong patamain. Ginewang-gewang ni Rian ang kadena niya hanggang sa mas umusbong na ang sindi ng nagbabagang apoy roon. “Ewan ko na lang kung kayanin mo pa ito, Sammuel!” sigaw ni Rian kasabay ng pagbato niya sa
