"Paano ko matatalo si Ymir gamit ang kaisa-isahan kong abilidad na sa tingin ko ay ang tangi ko lang mapapakinabangan sana sa elimination na 'to?" tanong ni Rian kay Draxi upang malinawan siya sa naunang sagot nito kanina. "Pagbubura lang naman ng alaala ng mga Mirage ang kaya kong gawin at wala ng iba," sambit ni Rian, tinatago niya ang panibagong abilidad niyang Acceleration na sa tingin niya ay magagamit niya sa oras na magkaroon ng sitwasyon na kung saan ay kinakailangan niyang tumakas.
"Iyon na nga at hindi rin naman lingid sa kaalaman namin ang panibago mong kapangyarihan na kaya mong makaabot sa napakalayong distansya sa loob ng iilang segundo, kaya kung binabalak mo man ilihim sa akin o kay Ymir ang tungkol doon ay wala ka rin mapapala," sabi ni Draxi kaya't nawala na lang din sa
