Sa buong oras ng pagkakapisa ni Ymir sa kamay ni Rian ay sinamahan pa niya iyon ng napakabagsik na kapangyarihan niya— ang black lightning. "A-AHHHHHHH!!!!!" Malakas na hiyaw ni Rian nang tumama na sa kanya ang kidlat na nanggaling sa ibabaw nila. Ang bawat parte ng kanyang katawan ay nagsipagtaasan ang balahibo kasabay ng buhok niya sa ulo. Dumaloy ang kuryente mula sa itaas na bahagi ng kanyang katawan hanggang sa ibabang bahagi niyon. Ilang minuto ang tinagal ng nakakapanganib na pag-atake ni Ymir na siyang hindi inaasahan ng kahit na sino sa kanila, lalo na si Draxi.
Ang pagkakakilala ni Draxi kay Ymir ay isang simpleng estudyante lamang ng Majikaru High na mayroong mataas na posisyon na hindi alam ng ibang Mirage. Bagaman may kutob nga itong mayroong kapangyarihan ang batang lalaki a
