Halos magkarinigan na ng kani-kanilang hininga ang mga estudyante na naroroon sa waiting area dahil sa kahihintay sa maaaring i-anunsyo sa kanila nina Qing at Quin. Pare-parehas man silang kinakabahan ay hindi pa rin nila mapigilan sa kanilang sarili na abangan iyon. "Maligayang pagbati sa inyong lahat, mga estudyanteng Mirage rito sa Majikaru High! Alam kong hindi ko na kinakailangang magpakilala pa pero, ako ang kaisa-isahang reyna ni'yo; si Quin," panimula ni Quin at sabay-sabay namang naghiyawan ang bawat isa sa mga estudyanteng naroroon. "Bagaman kakaunti lamang ang bilang ng dumalo kumpara noong nakaraang taon ay hindi pa rin tuluyang nawala ang siyang mga laban sa Elimination, na kung saan ay walang naideklarang panalo o 'di kaya ay talo," nanghihinayang na ani Quin.
Hindi na bago
