Makalipas ang ilang minuto ay dumating na rin ang kaibigan nilang si Lian nang hindi man lang nila napapanood ang laban. "Ano nangyari ba't parang hindi naman natuloy 'yung laban niyo, Li?" salubong na tanong ng kanyang kapatid na si Rian. Nang nilapitan niya ito ay iniinspeksyon pa niya kung mayroon bang nagbago kay Lian– kung napahamak ba ito, nasaktan o nagalusan. "Kailan ka pa nakarating dito? Kanina pa ba tapos ang Elimination mo? Sino nakalaban mo? Nasaan na siya? Okay ka lang ba?" dagsa ng katanungan si Rian sa kanyang kapatid dahil sa labis na pag-aalala rito at sa hindi niya pagiging sanay na malayo rito.
“Kalma, Ri. Walang nangyaring masama sa akin tsaka halos isang segundo lang din tumagal ang Elimination ko sa hindi ko malamang dahilan. Kung hahanapin mo ang nakalaban ko ay si
