Sa labas naman ng kapangyarihan ni Lian ay naroroon si Rian na parehas nang binubuhat ang kambal niyang si Lian pati na ang kaibigan nilang si Ruby sa mga balikat niya habang patuloy siya sa pagtakbo. Inakala ni Rian na makatutulog na nang tuluyan ang higanteng si Sammuel pagkatapos gamitin ni Lian ang kapangyarihan niya upang pumasok sa isipan nito, ngunit hindi ganoon ang nangyari. Bumagsak man si Sammuel kanina nang napakalakas hanggang sa liparin si Rian ay hindi naman pala roon nagtatapos ang pagtakas ng babae sa kabagsikan ng nilalang na iyon. Walang ibang maramdaman si Rian kundi galit para sa higante, isang napakatinding galit na hindi mapapalitan kahit pa gaano kaganda ang bagay na gawin para sa kanya. Maraming masasamang alaala ang bumabalik sa isipan ni Rian dahil lang sa simple
