Ang katawan ni Ruby ngayon ay nagbabago na ang kulay. Mula sa paa niya ay nagiging pula na ito, unti-unti itong umaakyat hanggang sa binti niya at maaari pa itong umabot sa kanyang ulo kung magpapatuloy at hindi mapipigilan. "Ruby, gising! Ano ba ang nangyayari sa 'yo?" natataranta na si Luis at hindi niya alam kung ano na ba ang dapat niyang gawin. Kahit ilang beses niyang yugyugin at tawagin si Ruby ay hindi ito sumasagot o gumagalaw man lang. "Sumakit lang tyan mo, nagkaganyan ka na..." nanghihinang ani Luis at itinigil na ang paggalaw sa katawan ni Ruby mula sa kanyang balikat.
Mula sa hindi kalayuan ay namataan ni Luis ang magkambal na sila Lian at Rian na tumatakbo papalapit sa direksyon nila. "Ano nangyari?" agad na tanong ni Rian nang huminto sila sa harapan ng nakalupasay na si R
