NAGISING si Maryjoy dahil umuungol si Isabel. Sinindihan niya ang lampara kaya nakita niya itong umiiyak.
“Isabel, bakit?”
Marahan niyang ginising si Isabel. Yakap lang nito ang maliit na teddy bear na niregalo sa kanya ni Keb.
“Nanaginip na naman po ako tita Joy. Hindi na raw ako babalikan ni Mama Lanie ko.”
“Hindi totoo ‘yan. Halika, dito.” Kinabig niya si Isabel at inalis niya ang teddy bear at niyakap niya ito. Kaagad na kumapit sa kanya si Isabel at dinantay pa nito ang maliit nitong hita sa kanyang tiyan. Siniksik ni Isabel ang mukha nito sa dibdib niya.
“Isabel, mahal na mahal ka ng Mama Lanie mo. Kung nasaan man siya ngayon tiyak na iniisip ka niya. May mga bagay lang kasi na hindi natin puwedeng ipilit dahil limitado.”
“Hindi ko po naiintindihan tita Joy.” Mas lalong h
