PAPASOK si Maryjoy sa subdivision ng maagaw pansin niya ang isang babaeng tumatakbo. Napakunot ang kanyang noo lalo na nang papalapit nang papalapit ang babae. Kaagad niyang hininto ang sasakyan.
“Isabel, ikaw ba ‘yan? Isabel!” sigaw niya pero tiningnan lamang siya ng dalaga at mas lalo pang bumilis ang pagtakbo nito.
Niliko niya ang sasakyan at hinabol ito hanggang sa nalagpasan niya at hinarangan ang daraanan nito. Hanggang sa napaluhod sa lupa si Isabel at humagolhol ito ng iyak.
Mabilis niya itong tinakbo at tinatayo ito pero winaksi lamang ni Isabel ang kanyang kamay. Umupo na rin siya upang magpantay sila.
“Isabel, nagkita na ba kayo ng—”
“Kasalanan mo ‘to! kung sana hindi mo ako binigay sa tatay ko noon ‘di sana hindi ganito ang takbo ng buhay ko. Sana katulad ni ate Lei do
