CHAPTER XXVII
GIO
Mainit ang panahon paglapag nila sa Airport sa Los Angeles. In-expect na nila iyon dahil iyon din naman ang sabi sa kanila ni Dean. Ganito ang normal na klima sa LA. Kadalasan sunny kaya ‘di rin nalalayo sa pakiramdam kapag tuwing summer sa Pilipinas. Kausap na ni Dean ang kaniyang kaibigang producer na tutulong sa kanila to move in sa East Hollywood. Nakahanap na raw ito ng apartment na kanilang titirhan kaya magse-settle na lang sila.
“Malapit na raw si Edgar,” sabi ni Dean. Buti na lang may connection si Dean sa lugar na ito. Si Edgar ay isang film producer na naka-trabaho ni Dean sa kaniyang ilang projects dati.
Magkahalong pagkasabik at kaba ang nararamdaman ni Gio. Ibang lupa na ito. Ibang bansa. Iba na ito sa Pilipinas. Ilang libo na ang layo niy
