Hindi agad nag-feel na “panalo” yung nangyari sa hapon na ’yon.
Oo, nahuli yung technician. Oo, nakuha nila yung kit, yung disc, yung mga gamit na kapareho ng pumasok sa bahay namin. Oo, may pangalan, may ID, may company—RGS Security Solutions—na hindi na lang basta rumor.
Pero habang lumalalim ang gabi, mas lalong lumilinaw sa utak ko na ang mga ganitong tao hindi nauubos sa isang huli. Hindi sila parang bully sa classroom na pag napahiya, tatakbo sa sulok at tatahimik. Ang mga ganitong tao, kapag napahiya, gumaganti. Kapag naipit, naninira. Kapag nakita nilang may kamay na humahawak sa kanila, mas lalo silang kakapit sa leeg ng iba.
At dahil kami lang ni Selena at Lola, wala kaming extra na “buffer” kung sakaling magkamali sila ng target.
Kaya kahit mukhang tahimik ang street, kahit
