THERESE'S POV
"MALIGAYANG PAGDALO SA ating munting selebrasyon bilang pagdiriwang sa anibersaryo ng grupong Catapalan na itininatag ng ating ka-baryo na si Apollo Geron na ngayon ay ipinasa ang katungkulan sa akin… ako si Leonardo Tuazon o mas kilala sa bansag na Tatay Elon. At ngayon, aking inaanunsyo na magsisimula na ang pagdiriwang na ito!"
Malakas ang naging palakpakan at hiyawan nang matapos magsalita si Tatay Elon pagkatapos niyon ay pinatunog nila nang malakas ang mga kagamitan sa pagtugtog. Tulad ng tambol na yari sa makapal na goma at drum, pluta, gitara at kung anu-ano pang mga kasangkapan sa pagtugtog na hindi ko kilala kung ano ang tawag doon.
Lahat kami ay nakapaikot, pabilog ang aming pwesto. Ang akala ko na halos puro lalaki lang ang nakatira dito at pamilya nina Tatay E
