"Andrea!"
Inilibot niya ang mga mata sa labas ng airport para hanapin ang taong tumatawag sa pangalan niya. Umangat ang sulok ng kaniyang labi nang makita ang isang pamilyar na babaeng sa tantiya niya'y nasa singkuwenta anyos na. Kumakaway ito sa kaniya 'di kalayuan mula sa kinatatayuan niya.
"Tita Venice?" nangingiti niyang tawag dito. Nang huli niya itong makita ay high school student pa lang siya. Halos magtatalon naman ito sa tuwa nang makita siya.
"Ang ganda ganda mo naman, 'nak! Welcome to Cebu!" masayang sabi ng ginang at mahigpit siyang niyakap. Ang mga dala naman niyang gamit ay kinuha na ng kasama nitong driver.
"Salamat po, Tita Ven. Pasensya na po kayo kung ngayon lang ulit ako nakapunta rito. Alam n'yo naman po kung anong nangyari kay mom, 'di po ba?" aniya sa ginang.
Na
