MABAGAL kong itinulak ang push cart. Dalawang kamay pa ang gamit ko dahil hirap akong kontrolin ang apat na gulong noon. Nang mapunta sa linya ng mga biscuit at chichirya ay hinawakan ni Priston ang unahan para i-guide iyon. Pakiramdam ko nga, bago pa man kami makalabas sa row na 'to ay puno na ang bakal na basket na itinutulak ko.
Hindi na yata tinitignan ni Priston ang nakikita at basta nalang dampot nang dampot. Halos pangatlo palang ito sa mga linya ng pagkain na napupuntahan namin. Wala pa sa mga delata, instant coffee, gatas, at kung ano-anong pwedeng timplahin.
"Excuse me?" Tumawag si Priston doon sa lalaki na nag-rerefill ng stock ng pillows. "Can we get an assistance?"
Tumayo iyong lalaking naka-uniporme at tumingin sa gawi ko. Akmang ilalapat niya ang mga mata kay Priston pe
