Buryong pinapanood ni Huge ang wine glass na naglalaman ng Madiera. Paulit-ulit niya iyong pinapa-ikot ikot at kapag kuwa’y bumubuntong hininga. Minamasdan niya lang kung paano kumilos at umalod ang likido na nasa loob. Doon niya ginugol ang buong oras at atensyon sa alak at tuluyang inignura ang mga babae na kanina pa nagpapapansin sa kaniya.
Hindi ako na ‘to. Hindi na niya makilala ang sarili. Mula ng dumating at makilala niya ang dalaga ay tila namatay ang luma niyang pagkatao. Araw-araw, unti-unti niyang nakikita ang maliliit na pagbabago sa sarili niya. Maging ang mga kaibigan niya ay napupuna na rin iyon.
Tinuloy niya ang passion sa pagluluto na dati naman ay hindi niya hilig, at ang rason? Gusto niyang pagsilbihan at busugin si Laureta. Ang buhok niya na ayaw niyang ipagal
