Nadagdagan na nga ang security dito sa bahay. Idagdag pa, na sa bawat sulok na lang may CCTV na nakalagay. Pwera nalang sa banyo at sa silid ng mga kasambahay, dahil nga sa privacy nila. Pero sa labas at likod meron din.
Kahit papano, nawala ang kaba namin, at ang dalawang beses na pag-iwan sa silid ni Aria ng mga sweets ay hindi na naulit pa. Siguro dahil sa alam na ng kung sino ang ginawa namin na hakbang.
Tumigil na ako sa pagtatrabaho at nananatili na lang ako sa bahay dahil mas naging maselan ang ipinagbubuntis ko. Tanging prutas lang ang tinatanggap ng sikmura ko at buko juice, maging tubig ay mapait sa aking panlasa.
“Mama, nandiyan po si tito pogi.”
Sabi ni Aria habang magpapainit ako sa likod ng bahay malapit sa hardin.
Ngayon ay hindi na ako pinagbabawalan ni Desmond m
