May nangyari bang hindi maganda kay Serfina? Bakit ako nakakaramdam ng kaba nang marinig ang pangalan niya? Parang narinig ko ang isang panaghoy.
"Serfina, sana walang nangyari sa iyong masama," bulong ni Asyanna at muling hinarap ang mga rebelde.
Mas binilisan niya ang kilos niya dahil nais na niyang sumunod sa Karr. Iba kasi ang pakiramdam niya. Kaya, hindi na mapakali ang Magium-Azthic young Ladynne.
"Kailangan ko na kayong tapusin," wika ni Asyanna at buong lakas na sinaksak ang espada sa lupa.
Gaya ng nangyari dati, bumuka ito at lumabas ang liwanag. Pagkatapos ay sumabog nang malakas at halos liparin na ang mga rebelde.
"Hindi na kayo makakasunod pa sa Karr," sabi ni Asyanna at pinaghiwalay ang espada.
Humati ito sa dalawa kaya lumiit ang sukat nito. Kapareho na ito ng mga puny
