Biglang bumukas ang pinto at niluwa nito si Illyós. Bakas sa mukha nito ang pag-aalala. Lumapit ito sa kaniya at niyakap siya.
"Illyós, hindi ko na alam. Tulungan mo ako! Ayokong pagtaksilan si Necós! Ang espiritu sa katawan ko ginugulo ako! Nais niyang kalabanin ko ang kapatid natin. Tulungan mo ako Illyós, pakiusap," pagsusumamo nito.
Niyakap lang siya nito nang mahigpit. Yumakap din si Sanara pabalik. Nahihirapan na siya sa sitwasyon niya. Napapagod na siyang kontrolin ang katawan niya. Dahil habang tumatagal, lalong lumalakas ang espiritu na namamahay sa loob ng katawan niya.
"Tulungan mo ako, Illyós,"
Samantala, sa Eshner Forest...
"Tila malalim ang iniisip mo, Precipise?" usisa ni Sheena.
Kanina pa nito napapansin na malalim ang iniisip niya. Tila batid nito ang bumabagabag sa
