"Yanna, batid namin kung gaano karikit iyang hawak mong espada. Pero, pakiusap huwag mo namang itapat sa amin ang talim niyan," ani Serfina habang nakatingin sa espada.
Halata sa boses nito na kinakabahan ito. Sinong hindi matatakot?
"Bakit Serfina? Natatakot ka ba? Hindi ba't walang kinatatakutan ang isang young Ladynne?" mapang-asar na sabi ni Asyanna at ngumisi.
"Sandali! Tahimik," utos ni Precipise at lumapit sa rehas.
"Anong nakikita mo Precipise? May kawal ba na paparating?" tanong ni Sheena at lumapit din doon.
"Wala. Pero, may paparating," sagot ni Precipise.
"Sino?" tanong ni Xáxa.
"Ayos lang ba kayo diyan?" biglang tanong sa labas.
"Kai Mellows!" sabay na bulalas nina Serfina at Xáxa.
Tahimik lang si Asyanna pero nagulat din siya sa pagdating nito. Parang tumalon bigla a
