"Asyanna! Hindi! Asyanna!" sigaw ni Dylenea nang bumagsak sa lupa ang Magium-Azthic young Ladynne.
Nabitawan nito ang espada sa tabi nito. Sinubukan ng Azthic Warrior Ladynne na lumapit sa kapatid pero hindi siya nakawala sa kamay ng mga rebelde. Napaiyak na lang siya dahil hindi niya matulungan ang kapatid niya. Hindi niya ito mailigtas sa panganib.
"Asyanna," hagulhol ni Dylenea.
"Hindi pa siya patay. Humihinga pa si Yanna," sabi ni Precipise.
Tahimik ang lahat maliban sa mga nilalang na malapit sa Magium-Azthic young Ladynne. Hindi pa naman si Asyanna napapaslang. Ngunit, inaasahan na nilang iyon ang sasapitin niya. Lalo na't marami ang natamong sugat sa katawan niya.
"Nasisiyahan akong makita ang sinapit mo, Asyanna. Malapit ko nang makuha ang hustisya para sa kaniya,"
"Hin...di
