Napatingin si Sanaya sa hawak na espada. Luma na ito pero hindi pa rin kumukupas ang taglay nitong lakas. Kaya pa rin nitong makuha ang atensiyon ng lahat at tiyak na kahit sino ay hindi ito tatanggihan.
"Nababaliw na yata ako," sabi niya sa sarili at napailing.
Pero, hindi pa rin maalis sa isipan niya ang kaunting alaala na iyon. Parang pilit itong kumakatok sa kaniya.
"Hindi ako sigurado. Pero, susubukan ko," bulong niya sa sarili at tuluyang tinuon ang pansin sa espada.
Nawala na sa isipan niya ang presensya ng rebelde. Sinubukan niyang ibuka ang hawakan ng espada. Pero, wala namang nangyari. Ilang beses niya itong ginawa pero wala pa rin.
"Asyanna, ibuhos mo lahat ng enerhiya na mayroon ka para lalong lumakas ang espada,"
Wala sa sariling pumikit si Sanaya at ibinuhos lahat ng la
