Samantala, ang Frost Byte young Ladynne ay pinamunuan naman ang Frost Racial Forces sa hilagang-kanluran. Kabado siya dahil iyon ang unang beses na pamumunuan niya ang hukbo nila na mag-isa. Dati-rati katuwang niya ang namayapa niyang kapatid sa pamumuno nito. Kaya, ngayon nangangamba siya na baka matalo ang hanay nila dahil mag-isa na lang siya. Nangangamba rin siya dahil makakalaban nila ang isa sa pinakamalakas na Frost sa hanay ng Frost-Rebellion.
"Frosbitus! Ngayon ang araw ng walang kasiguraduhan. Sapagkat hindi natin batid ang mangyayari sa atin. Kung mananalo tayo o matatalo. Ang tanging hiling ko lamang sa inyo ay ibigay ninyo ang lahat. Ubusin ninyo ang inyong mga lakas makamit lang natin ang kapayapaan, mabawi ang ating kaharian. Batid kong mahihirapan tayo dahil hindi biro ang
