“Komander Acosta, ano ho ang gagawin natin sa kanila?”
Nagkatanginan kami ni Grae pagkatapos naming marinig ang tanong ng isang kawal sa hula kong leader nila. Komander ang tawag nila sa kanya, eh. Kaya walang duda na siya ang pinuno ng dalawampu’t isang kawal na ito.
“Ihaharap natin sila kay Punong Komander Merencillo, nasa kanya ang desisyon kung ano ang mangyayari sa kanila,” walang emosyon na tugon ni Acosta habang nakatingin sa unahan.
May tig-limang kawal na nakabantay sa bawat side namin. Bale nag-form sila ng square habang tinatahak namin ang daan ngayon papuntang Daza. Nabura din sa wakas ang pangamba kong baka walang katapusang kagubatan ang sasalubong sa ‘min dito. Mabuti na lang ay dumating ang mga kawal na ito. Pero may bago na naman akong problema ngayon at ito ay ang pain
