“Sigurado ka ba na may kulay itim silang ugat sa leeg? O hindi naman kaya ay minamalik-mata ka lang?” paninigurado ni Komander Acosta. Napatango ang kawal sa kanya.
“Sigurado ho ako, Komander Acosta.”
Hmm, itim na ugat? Ni minsan ay hindi pa ako naka-encounter ng ganito. May ginawa kaya ang mga Grosque sa katawan ng mga biktima?
“Sige. Nandoon pa ba ang katawan nila sa Silangan?” tanong ni Acosta.
“Opo. Sabi ho ni Komander Bartolome na huwag na lang itong galawin.”
“Sigurado ba silang hindi mamamayan ng Daza o Nava ang mga biktima?”
“Hindi ho sila mula rito sa atin, ito po ang sigurado ako,” tugon ng kawal. Napatango si Acosta sa kanya bago ito humarap sa amin.
“Ang tatlong grupo ay magroronda sa paligid ng pader. Pagkatapos n’yong magronda ay magtungo kayo sa Silangan, mauuna kami
