“Opo. Ang Great Wall nga po ang pinunta namin dito,” seryoso kong tugon. Napailing si Manong Borne.
“Marami na ang sumubok na makatawid sa Great Wall, Austere. Pero ni isa sa kanila ay hindi nagwagi.”
Natahimik kaming lahat nang marinig namin ang sinabi ni Manong. Ilang sandali pa ay binasag ng isang batang babae ang katahimikan sa pagitan namin nang batuhin niya ng sandok si Parr. Nagmula siya pinto na katabi ng counter kung saan nagbabayad ang mga customers. Napakurap kaming lahat dahil sa kanyang ginawa.
“Ikaw! Hindi ba sabi ko bumalik ka agad! Nasaan ang mga patatas na pinabili ko sa ‘yo!” Napadaing si Parr habang hinahaplos ang likod ng kanyang ulo.
“Nandito! Ba’t ba ang barbaro mo!”
“Dahil ang bagal m—”
Hindi na natapos ng batang babae ang nais niyang sabihin nang mapansin niya
