HINDI pa sumilip si haring araw ay gising na si Izaria. Nakaligo at nakabihis na siya. Nasa loob pa siya ng kuwarto dahil inihahanda ang mga dadalhin sa farm. Hindi siya masasamahan ni Virna dahil maaga ang biyahe nito papuntang La Union.
Nasanay na siya sa bente minutos na lakaran sa tuwing pupunta sa farm. Pagdating sa kubo ay napansin niya kaagad ang mga magsasaka na abala sa paghahanda para sa araw ng pag-ani. Napangiti siya nang makita ang tatlong rice reaper machine na gagamitin para sa pag-harvest.
Mas napapadali ang pag-harvest dahil sa makabagong teknolohiya sa pagsasaka. Katulad lang ito ng traktora na minamaneho ng isang tao. Awtomatiko itong gagapas at paglabas ay nasa sako na ang mga butil ng palay, malinis na ito. Hindi nangangailangan ng maraming tao sa pag-operate ng mach
