KAGAGALING ni Izaria sa doktor dahil nagpa-check-up siya kasama si Shelly. Hindi kasi naging maganda ang pakiramdam niya nang mga ilang araw. Pinayuhan siya ng OB-Gyne na iwasan muna niya ang stress na posibleng makasasama sa pagbubuntis niya. Binigyan din siya ng mga vitamins na kakailanganin niya.
Pagkagaling sa doktor ay umuwi na sila kaagad. Gusto pa sana niyang mamasyal pero nakaramdam siya ng panghihina.
“Hayan, tandaan mo ang mga sinabi ng doktor. Maselan ang pagbubuntis mo kaya kailangan todo ingat ka,” payo sa kaniya ni Shelly.
“Oo, alam ko, friend. Salamat sa pagsama mo sa akin. Nasaan na pala si Virna?” Naupo muna siya sa sofa. Nasa sala sila ni Shelly.
“Gumagayak si Virna. Nasa kuwarto niya. Hindi ba niya sinabi sa iyo?”
Umiling siya. “Hindi eh. Bakit? Aalis na siya?”
“Uu
