“EXCUSE me, Janine,” paanas na sinabi ni Rainan kay Janine.
Nagpaalam muna siya rito. Hindi pa tapos ang sweet music para kumalas siya sa pagkakayakap dito habang nagsasayaw. Hindi niya nagustuhan ang pagkakadikit ng katawan ni Izaria kay Mark.
Naging mainit sa mga mata niya ang makitang may yumayapos sa baywang ni Izaria. Ini-enjoy ang pamamumulupot ng mga braso sa leeg ng kasayaw nito. Lalo na at halos maghahalikan na ang mga ito.
Hindi na tama ang nakikita niya. Hindi na rin tama ang hayaan niyang mapuno ang kanina pa’y nagpipigil na damdamin niya. Kapag sinabi ng puso niya, gagawin niya.
Maayos niyang iniwan si Janine at lumapit sa kinaroroonan ni Izaria na kasayaw pa ng guwapong estranghero. Pero para sa kaniya, hindi ito estranghero. Nilapitan niya ang mga ito. Natigilan ang mga
