EKSEHERADONG napabuntong-hininga si Rainan nang parehong hindi sinagot nina Izaria at Virna ang tawag niya. Alam niyang nabigla siya sa nasabi niya kay Izaria kaya nagtampo ito sa kaniya. Hindi kasi niya napigilan ang sarili na magduda kay Jay dahil alam niyang may nakaraan ang mga ito.
Mag-isa siya sa mahabang sofa ng mezzanine. Nagliligpit na ang mga katiwala sa ginanapan ng party at nagsiuwian na rin ang mga bisita. Malungkot at nag-iisip siya habang nilalaro ng kamay ang naka-off screen na cellphone.
Hindi niya inaasahan ang paglapit at pag-upo ni Cheska sa tabi niya. Kaagad nitong hinawakan ang kamay niya nguni’t maagap na binawi niya. Hindi niya matingnan ang mga mata ni Cheska na nangungulila sa kaniya.
“Bakit ako pa? Sa dinamirami ng puwede mong kalimutan, bakit ako pa?” nagnana
