Matuling lumipas ang mga araw, oras at ilang buwan. Marami na rin ang natutunan nila sa mga kailangang malaman sa kasalukuyang panahon. Tinipon silang lahat ngayon ni Bal sa conference table na nasa entertainment room para sa sinabi nitong mahalagang anunsyo.
"Ano kaya ang sasabihin ni Kuya?" tanong ni Sabel. "Masyado sigurong mahalaga pa ra pulungin tayo ngayong araw. Hindi ba't nagbukas ng negosyo si Kuya at ngayon ang pagpupulong ng mga kanegosyo niya?"
"Hindi ko rin alam," sagot ni Amara. "Kinakabahan ako sa sasabihin ng anak ko." Hindi nito tinapunan ng tingin ang kaharap sa mesa na si Ramiel.
"Kumpleto na pala ang lahat," bungad ni Bal pagpasok nito ng silid. "Handa na ba kayo sa sasabihin ko?"
"Hindi pa," sagot ni Hellion. Hindi rin nito tinatapunan ng tingin si Laura na kahara
