MARCUS AURELIUS
Pabalik-balik ang tingin ko sa isang side dito sa complex dahil sa isang babae. Kanina ko pa siya nakita at namukhaan nang pumasok kami dito sa sports complex para maglaro ng basketball. Kasabay kong pumunta dito ang mga Mijares pero hindi sila ang makakasama ko sa game kung hindi ang mga Romualdez.
Tinagilid ko ang ulo ko at inisip kung bakit parang may pinagtataguan ang babae base sa ayos niya. Nakasuot siya ng cap na halos matakpan na ang maliit niyang mukha. Balot na balot din ng kulay puting hoodie jacket ang katawan niya pero maikli ang skirt na suot. Naiiling na pinagmamasdan ko siya habang pasimpleng kumukuha ng picture.
Kahit na hindi ko tingnan kung sino ang kinukuhanan niya ay alam kong kay Boss Justin nakatutok ang camera dahil hindi lang isang beses na nakit
