"KAKAIN na," wika ni Amarah sa pamilya nang matapos niyang ihanda ang mesa.
Hindi naman nagtagal ay lumapit na din ang dalawang kapatid niya.
"Sina Mama?" tanong niya sa mga ito.
"Sa labas po, Ate Marah," sagot naman ni Arthuro sa kanya.
"Sige. Maupo na kayo. Tawagin ko na lang sila," wika niya sa dalawa.
"Ako na lang po, Ate," wika naman sa kanya ni Arthuro. Hindi na nga din siya nito hinintay na magsalita dahil tumalikod na ito at humakbang na paalis para tawagin ang mga magulang nila.
"Maupo ka na, Deus," wika niya dito ng sulyapan niya ito.
"Opo, Ate," sagot naman nito sa kanya bago ito humila ng silya at umupo.
Umupo na nga din siya sa harap ng mesa habang hinihintay nila na dumating ang magulang at si Arthuro para makakain na sila.
Weekend kaya umuwi siya sa kanila.
