Sa isang banda ng lugar na pinaglabanan, naglalaban ang dalawang tinaguriang pinaka-makapangyarihang nilalang sa buong kalawakan, isa na pumapanig sa kadiliman at isa na pumapanig sa liwanag.
Nakatingin lamang sila sa isa't isa animo'y tinatansya ang kapangyarihan ng bawat katunggali, diretso kung makatingin, tinitingnan ang kaibuturan ng kanya-kanyang kaluluwa.
"Kopya ka lang... ang taas yata ng tiwala ng kapatid ko sa kanyang kapangyarihan para isang kopya lamang ang kanyang ipinanglaban sa'kin, " wika ni Regio sa kanyang kaharap na kamukha ni Furcifer.
"Malayo na ang agwat ng inyong kapangyarihan, noon pa man mas malakas na sya keysa sa'yo, kung wala pa ang iyong kabiyak na si Aliyah ay sigurado akong puno na ng kadiliman ang buong kalawakan, " sagot nito sa kanya suot ang mapang-asa
