YOHAN’s POV
"Kailangan mong yakapin ng buo ang naka-atang sa'yong tungkulin, ang pagiging Ilinahad, kailangan mo itong akapin ng mabuti at ilagay sa kaibuturan ng iyong diwa..." Hindi ako sumagot, iniisip ko kung magagawa ko ba ito, at kung magawa ko nga, paano?
"Ang syang apoy na nagsisilbing tagapagsindi ng iyong kaluluwa ay syang sasanib sa iyo ng lubusan kapag ito ay nagawa mo na, ngunit naniniwala naman akong kaya mo itong gawin, dahil bukod sa ikaw ay ipinagpala, napakabusilak pa ng iyong puso, kaya wala akong duda sa iyong kakayahan." Sigunda nya.
Pagkatapos nyang sabihin iyon ay iginiya na nya akong bumalik sa itaas upang umuwi na sa mundong aking kinabibilangan.
"Pagkalabas mo dito ay tumalon ka sa lawa jan sa labas. " Agad naman akong napatungo sa sinabi nyang yun. Papatayin
