Nagising ako ng may mga tagis na luha sa aking pisngi. Napabalikwas ako sa aking pagkakahiga dahil sa isang panaginip. Napaginipan ko na naman iyong batang babae. Iyong batang babaeng laging dumadalaw sa panaginip ko simula noong araw na magising ako sa ospital at malamang wala na ang anak ko.
Tiningnan ko ang paligid. Isang apat na sulok na kwarto ang bumungad sa'kin. Napahawak ako sa aking ulo at inalala ang mga nangyari bago ako napunta rito.
Um-attend lang naman ako ng kasal ni Marco at Sari. Kausap ko si Sandro pero ng biglang tumugtog ang isang sweet na music ay nagpaalam siya sa aking iihi siya. Tapos...
Namilog ang mga mata ko at agad na tiningnan ang aking suot. Bumuga ako ng hangin. Salamat sa Diyos at iyong kulay gray na gown na may v-nect cut sa dibdib pa rin ang suot ko. M
