Chapter 99
Aki’s POV
“Y-You are w-what?” nauutal na tanong ni Ma’am Cassandra dito. Ikiling niya ang ulo para siguro i-refresh ang utak nito at makuha na nang tiyak ang impormasyon sa susunod.
“We are married.” Muli akong naligalig sa kinatatayuan. Nagpapalit-palit ang tingin ko sa kanilang dalawa. Mayamaya pa ay lumapit si Manong Harry sa ginang at may inabot na white envelope. “That’s our marriage certificate,” pagbibigay-alam ni Audrei. “To prove to you that our marriage was real and legal.”
Wala sa loob na tinanggap naman ng ginang envelope at sa mabilis na kilos, binuksan niya ito at inilabas ang nilalaman. Binali-baliktad niya ang mga papeles, inaalam siguro ang mahahalagang sealed at mga pirma sa parte ng papel. Napatakip ito ng bibig at tila nanghihinang nagpakawala ng hangin.
