BELLE
Pakiramdam ko ay katapusan na ng lahat sa akin. Akala ko ay magiging masaya ako sa piling ni Jonathan kahit panandalian lamang ngunit kahit kailan ay ‘di ako kailanman hihiwalayan ng bangungot sa akin. Hanggang may koneksiyon pa ako kay Bernard, mananatili akong miserable kahit na kapiling ko si Jonathan.
Napatitig ako sa lalaking nababalutan ng mascara ang kademonyohan. Nakangiti siya kina Marco at Nathan ngunit ‘di ko maiwasang mapasimangot. Sino ba naman ang gaganahan kung ganitong klaseng tao ang makikita mo? Isang taong walang ginawa kundi saktan ka. Isang taong walang kayang gawin kundi ang paulit-ulit kang pahirapan. Hindi ba siya makahintay makuha ang pera at mabayaran ang mga utang naming? Wala ba talaga siyang tiwala sa akin?
“Belle?” untag ni Jonathan sa akin nang na
