JONATHAN
“Magsasabay kami ni Marco mamaya. Mayamaya ay nandito na rin si Ava, okay lang ba na iwan na lang kita?”
Mabilis na tumango si Belle. Mas maliwanag ang hitsura niya ngayon kaysa kanina habang nakaharap namin ang matalik niyang kaibigan.
Pakiramdam ko ay ‘di komportable si Belle sa presensiya ni Bernard at ‘di ko maintindihan kung bakit. Ayaw kong gawin sa kaniya itong pag-iimbita ko sa kaibigan niya ngunit mas lalo akong naging kuryuso sa dahilan ng pagkabalisa niya sa harapan nitong si Mr. Aleman.
Saglit akong napatitig kay Belle at pinag-aaralan ang reaksiyon niya. Gusto kong malaman ang lahat-lahat patungkol sa tinatago niyang dahilan at sigurado akong may hindi siya sinasabi sa akin.
“Nathan?”
Agad akong nagising sa labis na pag-iisip at agad ding ngumiti.
“Okay ka
