CHAPTER 43
Isang araw bago ang Chuseok Day ay naging abala si Harra kaya naman hindi niya napansin ang kanyang cellphone na tumutunog. Gabi na nang mabasa niya ang text message mula sa kuya ni Reed kaya naman kaagad niyang binuksan iyon. Nang mabasa ang laman niyon ay bahagya pa siyang nagulat.
Ayon kasi sa text message ay iniimbitahan siya ng pamilya nito para doon mag-celebrate ng Chuseok Day kinabukasan. Malayo ang byahe kung tutuusin mula sa Seoul hanggang sa Daegu kaya naman nagdadalawang-isip siya kung pupunta pa rin ba siya doon o hindi. Ayaw niyang pumunta dahil naiisip niyang magkikita sila ni Reed ngunit ayaw din naman niyang tanggihan ang invitation ng pamilya nito.
Totoo naman na ayos lang naman siya kung sakaling naiwan siyang mag-isa sa dorm ngunit hindi maiwasan
