CHAPTER 42
TAHIMIK SI Kylo nang makabalik si Younhee mula sa labas. Bumili lang siya ng kape niya at ni Marra nang iwanan ang mga ito ngunit ganoon na lang ang pagtataka niya nang makita si Kylo.
Lumapit siya kay Colby na ngayon ay nakikipagharutan kay Zane. Kinalabit niya ito.
"Neh, noona?"
"Anong nangyari diyan?" Nginuso pa niya si Kylo. Nakasalampak ito sa sahig habang nakasandal sa salamin. Ang mga mata nito ay nakapikit.
"Noona, hayaan mo na lang siya."
Kumunot ang noo niya. "Bakit? May problema ba siya?"
Umiling si Colby saka nagpatuloy sa pagsasalita nang mahina. "Gemini iyan. Ganiyan talaga ang isang iyan."
Tumaas ang isang kilay niya. "Ano naman kung Gemini?" tanong niya rito.
"Alam mo kasi, Noona. Ang mga gemini ay parang may kakambal iyan."
