CHAPTER 41
NANG MAKARATING sila sa company ay kaagad na dumiretso sina Max sa meeting room dahil may meeting ang mga ito kasama ang CEO at ang Vice president. Hindi naman siya kasama roon kaya nauna na lang siya sa practice room. Si Harra lang ang kasama ng mga ito sa meeting kaya sila ni Younhee ay dumiretso na lang sa practice room.
“Unnie, anong plano ninyo sa Chuseok?” tanong ni Younhee sa kaniya nang mailapag nila ang mga gamit nina Max sa loob ng kwartong iyon.
Kumunot ang noo niya. “Anong ‘Chuseok’?” balik tanong niya rito. Wala pa kasi siya masyadong alam pagdating sa mga Korean words kaya hanggang ngayon ay nagtatanong talaga siya.
Sandaling nag-isip si Younhee. “Chuseok is Thanksgiving Day dito sa Korea.”
Tumango na lang siya nang dahan-dahan. “Ano naman ang
