CHAPTER 36
HINDI MAKATINGIN nang diretso si Harra sa mga mata ni Reed. Hindi niya rin kasi alam kung ano pa ang sasabihin dito. Nararamdaman naman niya na ayaw siya nitong makausap ngunit hindi nya sasayangin ang lahat ng pagod niya dahil ang layo ng kaniyang binyahe para lang makausap si Reed.
Huminga siya ng malalim bago nagsalita. "Alam ko na galit ka sa akin. Pero bakit hindi mo sinabi ang sitwasyon mo?”
“Bakit ko naman sasabihin sa iyo? Para magbago ang isip mo? Ang desisyon mo?” Ramdam niya ang hinanakit sa bawat salitang binibitiwan nito sa kaniya ngayon. “Hindi na lang. Nasa ganitong sitwasyon naman na ako, e. Wala ng magagawa pa.”
“Pero paano ang mga kasama mo? Alam mo kung gaano kalaking epekto ang paghihiatus mo sa kanila.”
“Ano bang tingin mo sa akin? Baba
