AMILYN
Puting puting kisame ang bumungad agad sa paningin ko pagmulat lamang ng mga mata ko. “She’s awake. The patient is awake.” Ang dinig kong boses ng babae. Narinig ko ang mga yapak na papalapit sa akin.
“Kumusta ang pakiramdam mo? Okay ka lang ba, Amilyn?” puno ng pag-aalalang ani Halena. Hindi ako sumagot bagkus sinubukan kong bumangon. Napangiwi ako. Masakit ang katawan ko, lalo na sa aking tagiliran.
Inalalayan ako ni Halena na makaupo sa kama. Napahilot ako sa aking ulo nang makaramdam naman ako ng kirot don.
May nakapa akong benda sa ulo ko. Nagtatanong ang mga mata kong tumingin sa kaniya. Pilit ang ngiti niya sa akin.
Anong nangyari sa akin? “N-Nasaan a-ako? Anong nangyari sa akin?” Naguguluhan kong tanong. Bakit may benda ako sa ulo?
Malamlam ang mga mata ni Halena s
