KLIENT
“Kung nakakamatay lang ang tingin baka kanina pa pinaglalamayan yang si Vance,” ang nakangising birong puna sa akin ni Marvin.
Hindi ako umimik, tumungga lang ako ng alak sa hawak kong bote. Tiningnan ko ulit siya.
Masaya siyang nakikipagkulitan sa iba.
Isang beses lang kaming nagkatinginan kanina pero after that, parang iniiwasan na niyang mapagawi rito ang mga mata niya.
Nagkatinginan nga kami kanina pero tulad dati walang reaksyon ang mukha niya.
Wala man lang akong naaninag na tuwa sa mga mata niya. Hindi tulad ng ibang bisita na lumalapit sa kaniya. Nakangiti na siya kaagad.
“Lapitan mo na kaya, batiin mo man lang,” tiningnan ko lang si Marvin. He tsked me.
“Ayos, wala talagang effort,” ang inis niyang turan. Gusto ko naman talaga siyang lapitan at batiin, pero..
