Chapter 48
Trisha’s PoV
"Hindi! magkakamatayan muna tayo, Raven, bago mo makuha sa akin ang anak ko."
Bumungad ang matinding hinagpis ni Ate Letlet nang dumating kami sa bahay nina Troy at Raven. Masaya pa kaming nagtatawanan, ngunit agad nawala ang saya nang makita ang lungkot sa kanyang mga mata.
Alam kong natatakot siya. Ramdam niya na baka kunin na ni Raven si Troy. Kaya hindi ko siya masisisi kung hindi niya basta-basta ibabalik si Troy. Ilang taon din niyang inalagaan ang bata, kinilala bilang ina.
Hindi niya kinaya ang emosyon. Nahimatay siya sa sobrang tensyon sa pagtatalo nila ni Raven.
"Ate Let! Ate Letlet! Mama!" Sigaw namin habang natataranta si Troy. Humandusay si Ate Letlet sa sahig. Baka na-heart attack na siya. Buti na lang at isa akong nurse.
Ginigising ko siya hab
